मुंबई- बॉलीवूडमधील प्रसिद्ध अभिनेत्री दीपिका पदुकोण सोशल मिडीयावर नेहमी सक्रिय असते. तिच्या अप कमिंग प्रोजेक्टबाबत तसेच तिच्या आयुष्यातील खास क्षणांचे फोटो ती सोशल मिडीयावर नेहमी पोस्ट करत असते. नुकताच दिपीकाने एक खास फोटो सोशल मिडीयवर शेअर केला आहे. या फोटोला नेटकऱ्याची पसंती मिळत आहे. दीपिकाने तिच्या बालपणीचा एक गोंडस फोटो सोशल मिडीयावर शेअर केला आहे. तिच्या या फोटोच्या कॅप्शनने नेटकऱ्यांचे लक्ष वेधले आहे. फोटोला दीपिकाने कॅप्शन दिले की, ‘मी इंदिरानगरची गुंडी आहे.’ नुकताच क्रिकेटर राहुल द्रविडने एका जाहिरातीमध्ये 'मी इंदिरानगरचा गुंडा आहे' हा डायलोग मारला होता. त्यानंतर आता हा डायलोग सोशल मिडीयावर व्हायरल होत आहे. या जाहिरातीमध्ये राहूल द्रविड चिडलेले दिसत आहेत. पण दीपिकाने तिच्या लहानपणीचा क्यूट फोटो शेअर करून या डायलॉगला वेगळ्या प्रकारे सोशल मिडीयावर सादर केले.  

‘ब्रेक द चेन’मुळे कलाकारांना फटका; जगणं झालंय कठीण

राहुल द्रविड यांची ही जाहिरात प्रेक्षकांसोबतच अनेक सेलिब्रेटींच्याही पसंतीस पडली आहे. या जाहिरातीला पाहिल्यानंतर क्रिकेटर विराट कोहलीने देखील कमेंट केली. दीपिका लवकरच ‘83’ या भारतीय क्रिकेटमधील सर्वात ऐतिहासिक क्षणावरील म्हणजेच पहिल्या वल्ड कपवर आधारित चित्रपटात पती रणवीर सिंगसोबत दिसणार आहे. लवकरच दीपिका पहिल्यांदा अभिनेता ऋतिक रोशनसोबत स्क्रीन शेअर करणार आहे. या चित्रपटामध्ये ती ऋतिकसोबत रोमॅन्स करताना दिसणार आहे. काही दिवसांपूर्वी दिपीकाने स्वत:ची वेबसाईट लाँच केली आहे.